Англия Футбол Ассоцияцияси тартиб-интизом Қўмитаси Лондоннинг "Челси" клуби ҳужумчиси Диего Костани "Ливерпуль"га қарши Англия Лигаси Кубогидаги ҳатти-ҳаракатлари учун учта ўйинга четлатди.
Эслатиб ўтамиз, учрашув пайтида бразилиялик футболчи "Ливерпуль" аъзоси Эмре Жаннинг оёғини босиб олади. Ушбу вазият эса учрашув ҳакамларининг назаридан четда қолган.
"Вазият учрашув ҳакамлари томонидан назардан четда қолди, аммо бу ҳаракат ўйин видеосида бор", - дейилади АФА баёнотида.
Шу тариқа, Диего Коста Челсининг навбатдаги учта ўйини - "Манчестер Сити", "Астон Вилла" ҳамда "Эвертон"га қарши учрашувларни ўтказиб юборади.
Эслатиб ўтамиз, Диего Коста Англия Премьер-Лигаси ушбу мавсумида 19та ўйинда майдонга тушган ва 17та гол урган.