«Фиорентина»нинг ўнг қанот ярим ҳимоячиси Хуан Куадрадо "Челси»га трансферини якунлаш учун Англияга йўл олмоқда, деб хабар қилади спортс.ру.
"Кўклар» бош мураббийи Жозе Моуриньо 26 ёшли колумбияликнинг АПЛ доирасидаги "Манчестер Сити» билан шанба куни бўлиб ўтадиган ўйин қайдномасида бўлишини истаганди. Аммо футболчи шу куни тиббий текширувлардан ўтади.
Куадрадо "Челси» сафидаги дебютини 7 февраль куни "Астон Вилла» билан ўйинда ўтказиши кутиляпти.
Олдинроқ "Челси» Куадрадо учун 33,4 миллион евро тўлаши ва "Фиорентина»га Муҳаммад Салоҳни ижарага бериши маълум бўлганди.
А сериянинг 17 ўйинида Куадрадо 4та тўп киритди ва 4та голли пас берди.
