«Манчестер Сити» жамоаси ярим химоячиси Френк Лемпард 13 йил футбол ўйнаган «Стемфорд Бриж»да яна майдонга тушганидан мамнун.

«Аристократлар» ва «шаҳарликлар» ўртасидаги ўйин 1-1 натижасида ўз якунига етди.

«Бу майдонга қайтиб яна ҳаракатланиш менда ғалати ҳиссиёт пайдо қилди. Аммо буни олдиндан билган эдим. Майдонга тушишим билан туйғуларим аралашиб кетди. Анчадан бери бу майдонда ўйнамаган эдим. Бу жой мен учун асосий жойлардан ҳисобланади. Шунинг учун мен бу ерга қайтишни жуда ҳам кўп хоҳладим.

Ниятим амалга ошиб, бу улкан майдонда ўйнаш қайта насиб қилди. «Челси» мухлислари доим ўз жамоаларига мухлислик қилишган. Агарда «Челси»нинг собиқ футболчилари ташриф буюришса-да уларга илиқ ҳурматда бўлишади. Бугун мухлислар «Челси»ни сўнгги дақиқагача қўллаб-қувватлаб туришди. Лекин ўйин якунланганидан сўнг улар менга унутилмас ҳис-туйғулар совға қилишди.

«Манчестер Сити»нинг мухлислари ҳам «Челси»никидан қолишмаган ҳолда бизни бугунги ўйинда қўллаб-қувватлаб турди, бу учун барча мухлисларга миннатдорчилик билдираман. Икки буюк жамоа сафида ўйнаганимдан бағоят хурсандман», - дейди собиқ «Челси» ярим ҳимоячиси.