Англиянинг "Вест Ҳэм" клуби жамоа ҳужумчиси Диафра Сакхонинг майдонга туширилгани учун Англия Кубоги баҳсларидан чиқариб юборилиши мумкин.
Эслатиб ўтамиз, сенегаллик ҳужумчи жарохатини баҳона қилиб ўз терма жамоаси сафида Африка Миллатлар Кубоги баҳсларида иштирок этмаган эди. Аммо, Африка Миллатлар Кубоги баҳслари якунига етмаган бўлса ҳам, ўз клуби сафида Англия Кубоги 1/16 финали доирасида сафарда "Бристоль Сити"га қарши майдонга тушган ва жамоасига ғалаба келтирган ягона гол муаллифига айланган эди.
ФИФА қоидаларига мувофиқ футболчи ўз терма жамоаси сафида мусобақада иштирок этмаган тақидрда, мусобақа якунига қадар клуб сафида майдонга туша олмайди.
Сенегал Футбол Федерацияси ҳам футболчи устида ФИФАга арз қилган ва ФИФА айни дамда ушбу вазият юзасидан текширув олиб бормоқда.
