Дубайнинг “Ан-Наср” футбол жамоаси ҳужумчиси, сенегаллик Иброҳим Туре ўйин пайтида майнабозчилик қилиб, оёғини тепага қилиб қўлларида юргани учун сариқ карточка билан жазоланди. Бу ҳақда 3 февраль куни Metro нашри хабар берган.
Ўйин давомида бурчак тўпини амалга оширишдан олдин Туре рақибнинг жарима майдончасида қўлларида юришни бошлаган. Ўйинчининг бу ҳақоратомуз қилиғи ўйинда имкониятни бой бераётган рақиб жамоаси “Аш-Шаржа” футболчиларининг ғашларини келтирган. Улар футболчини итариб, у билан жанжаллашиб кетишларига бир баҳя қолган. Натижада Туре сариқ карточка билан “сийланган”.
Маълумот учун, ушбу ўйин 4:1 ҳисобида “Ан-Наср” жамоасининг ғалабаси билан якунланган.
