"Барселона" яримҳимоячиси Иван Ракитич жамоа ҳужумчиси Лионель Месси ва бош мураббийи Луис Энрике ўртасида жиддий муаммо бўлмаганини маълум қилди.
"Барселона"да бирор гап ёки иш дарров катта янгиликка айланади. Одамлар нима бўлганини суриштира бошлайдилар. Ҳаммаси кўпиртирилиб юборилади. Бу тушунарли, чунки "Барселона" дунёнинг энг яхши клуби.
Месси ва Луис Энрике ўртасида айтарли зиддият бўлмаган. Ҳамма жойда бўлгани каби "Барселона"да ҳам ҳар куни бирга бўлиб, бирга тушлик қиладиган инсонлар бор. Шунингдек, ўзаро муносабатлари йўқлар ҳам бор. Ҳеч қандай жиддий муаммо йўқ", - дейди Ракитич.