Кеча БАА миллий чемпионатининг навбатдаги 15-тур учрашувлари бўлиб ўтди. Унда “Насаф”нинг ОЧЛ гуруҳидаги рақиби Дубайнинг “Ал-Аҳли” жамоаси сафарда, ҳамюртимиз Азиз Ҳайдаров тўп тепадиган “Аш-Шабоб”жамоасига қарши майдонга тушди.

Ҳамюртимиз Азиз Ҳайдаров ўтган турда қизил карточка олгани туфайли ушбу баҳсда майдонга тушмади. Учрашув тақдирини иккинчи бўлимнинг 73-дақиқасида “Аш-Шабоб” аъзоси Носир Маъсуд томонидан киритилган ягона гол ҳал қилди.

БАА чемпионати. 15-тур
“Аш-Шабоб” – “Ал-Аҳли” 1:0
Гол: Носсир Маъсуд 73-1:0
“Ал-Аҳли”: 55.Мажид Носир, 2.Салмон Хамис, 5.Волид Аббос (Саид Яссим Солиҳ 87), 7.Исмоил Ал Хамади, 8.Эвертон Рибейро, 10.Луис Хименес, 14.Усамо Ас Саиди, 16.Карлос Муниос, 28.Эйса Санто, 62.Абдулазиз Санқур (Абдулазиз Ҳайкал 80), 88.Мажил Хассан (Ҳабиб Ал Фардан 87).
“Ал-Аҳли” жамоасидан огоҳлантириш олганлар: Луис Хименес 53, Исмоил Ал Хамади 90+4.

Шундай қилиб, “Ал-Аҳли” БАА чемпионати иккинчи даврасидаги илк мағлубиятини тан олди. Турнир жадвалини 5-ўрнида бораётган рақибимиз ушбу мағлубиятдан сўнг 7-ўринга тушиб кетди, улар ҳисобида 23 очко бор. Эслатиб ўтамиз чемпионатда 14та жамоа иштирок этади.

“Ал-Аҳли” жамоаси навбатдаги 16-турда “Ал-Васл” жамоасини 13 февраль куни ўз майдонида қабул қилади.”Ал-Васл” айни пайтда турнир жадвалининг 8-поғонасини эгаллаб турибди.