Европа лигасининг 1/16 финалида "Бешиктош"га қарши уй учрашувида қатнаша олмаган "Ливерпуль" сардори Стивен Жеррард Жордан Хендерсондан пенальти тепиш ҳуқуқини тортиб олган Марио Балотеллини танқид қилди.
"Пенальтининг Жорлан тепиши керак эди. Қоида шундай. Уни Хендерсон тепиши керак эди. Марио ёш болаларча иш тутди. Пенальтини голга айлантиргани учун унга раҳмат, аммо майдонда баҳслашиш хунук кўринади.
Жордан тўғри йўл тутди, Марионинг кучли истагини тушунди ва ўз вақтида четга чиқди ва ўйиндан сўнг чиройли интервью берди. Хендерсон - сардор ва Балотелли унга нисбатан ҳурматсизлик қилди, муҳим гол урган бўлса ҳам. Ўйлашимча, олти ёки етти футболчи ҳам пенальти тепишга шай эди. Агар ҳаммлари тепишга уринганларида нима бўлар эди? Айнан шунинг учун қоидалар мавжуд", - дейди Жеррард.
