“Бунёдкор”нинг ОЧЛ-2015 гуруҳ босқичидаги рақиблари кеча ўз чемпионатларидаги навбатдаги тур учрашувларини ўтказишди.

Қатар чемпиони “Лахвия” 18-тур доирасида аутсайдер “Аш-Шамол” клубини қабул қилиб, кичик 1:0 ҳисобида ғалаба қозонди. Ягона гол “Лаҳвия”нинг испаниялик легионери Чико Флорес ҳисобига ёзилди.

“ЛАХВИЯ” – “АШ-ШАМОЛ” 1:0
Гол: Чико Флорес 34
“Лаҳвия” таркиби: 40.Адданий, 6.Дейм Траоре (7.Ҳолид Муфтаҳ 66), 4.Чико Флорес, 19.Аҳмад Ёсир, 79.Владимир Вайс (10.Тай Хи Нам 76), 12.Карим Боудиаф, 20.Али Ҳассан, 28.Юсуф Мсакни, 23.Себастян Сория (5.Муҳаммад Раззоқ 65), 14.Муҳаммад Тресор, 9.Абдулраҳмон Моҳд

Айни пайтда “Лахвия” 18 учрашувда 42 очко жамғарган ҳолда Қатар юлдузлар лигаси турнир жадвалида пешқадамлик қилмоқда.

Эроннинг “Пирузи” клубининг Эрон про-лигасидаги ишлари бу йил у қадар юришмаяпти. Теҳронликлар 21-тур доирасида “Сабо Қум” жамоасини қабул қилишиб, 0:0 ҳисобидаги нурсиз дурангга рози бўлишди.

“ПИРУЗИ” – “САБО ҚУМ” 0:0
“Пирузи” таркиби: 1.Маконий, 4.Умана, 99.Хотами, 26.Али Асқарий, 2.Алишоҳ (11.Содеғиан 63), 20.Нурмуҳаммадий, 14.Муҳаммад Нури, 66.Фернандо Габриэль, 28.Нуроллаҳий, 24.Наврўзий (77.Алипур 90+2), 17.Таромий (33.Аббосзода 76)

“Пирузи” 21 ўйинда 26 очко тўплаган ҳолда турнир жадвалининг 9-поғонасини банд этиб турибди.