Ўтган мавсумдан бошлаб “Пахтакор” бош менежери лавозимида ишлай бошлаган Самвел Вячеславович Бабаян бундан буён бош мураббий сифатида фаолият юритади.
ОФК ва ПФЛ регламентига кўра, жамоада бош мураббий бўлиши керак. Шу сабабли Бабаян Осиё Чемпионлар Лигаси ва Ўзбекистон Олий лигасида “Пахтакор” бош мураббийи сифатида рўйхатдан ўтказилади. Лекин амалда клуб ички сиёсатида менежер сифатида фаолият юритаверади ва “Пахтакор”нинг барча жамоалари натижаларига масъул ҳисобланади.
Самвел Вячеславович амалда “Пахтакор”нинг вице-президенти ҳам саналади.
