"Ордабаси" клуби билан шартнома имзолаган Александр Гейнрих клуб расмий сайтига берган интервьюсида "Локомотив" билан икки томонлама келишувга кўра ўз шартномасини бекор қилганини айтган.

"Мен "Локомотив" сафида йиғинда иштирок этдим. Аммо, у ерда клуб раҳбарияти билан айрим масалаларда келишмовчиликлар пайдо бўлди ва биз ўзаро келишувга кўра шартномани бекор қилдик", - дейди Гейнрих.

-Айрим ОАВ Иртиш сафига ўтаётганлигингиз ҳақида хабарлар пайдо бўлган эди ва бунга қандай изоҳ берасиз?
-Тошкентда Локомотив сафида йиғин ўтказаётганимда, Иртиш вакиллари мен билан боғланишди. Аммо, улардан ҳеч қандай аниқ таклиф бўлмади.

-Виктор Кумиков билан шахсан танишмисиз?
-Шахсан таниш эмасман, аммо у Ўзбекистонда ишлагани ҳақида хабарим бор. Уни анча талабчан мураббий дея оламан.

-Ордабаси сафидаги футболчилар орасида танишлар борми?
-Ҳа, кўпчиликни танийман. Айримлари билан ҳатто дўстмиз. Айниқса, Андрей Сидельников яқин дўстим. Оилавий дўстлигимиз бор. Бу ҳам, Ордабасига ўтишимга сабаб бўлган омиллардан бири. Мен жамоа ўзи иштирок этадиган барча турнирларда муносиб иштирок этишини истайман ва ўзим ҳам бунинг учун бор кучим билан ўйнайман.