Дортмунднинг "Боруссия" клуби яримҳимоячиси Марко Ройс бундеслигада "Шальке" устидан қозонилган ғалабадан сўнг (3:0) фикрларини билдирди.
"Бир ой олдин бундеслигада жон сақлаб қолиш ҳақида ўйлаётган эдик. Энди бу гаплар ортда қолди. Қаторасига 4 ўйинда ғалаба қозондик, бу жуда муҳим.
Ҳозир ҳаммаси яхши кетмоқда,аммо олдинда қийин ўйинлар кутиб турибди. Агар рақибларимиз очко йўқотишса, уларга етиб олиш учун қаттиқ ҳаракат қиламиз.
Голни ўзгача тарзда нишонлаганимизга келсак, бироз кўнгилхушлик қилгимиз келди, биринчи даврада бунга имконият кам бўлган эди. Булар фойдамизга ишлайди.
Икки кун олдин Обамеянг билан бирга тушлик қилгандик ва шу ғояни ўйлаб топган эдик", - дейди Ройс.