“ПСЖ” жамоасининг бразилиялик марказий ҳимоячиси Тиаго Силва L’Équipe нашри ўтказган тадқиқотларга кўра, 2015 йил бошидан бери Франция биринчи дивизионида умуман қоида бузмаган ягона футболчи экани аниқланди.

У 2015 йилда ўтказилган охирги 9 ўйинда тўп учун курашларнинг 89 фоизида ютиб чиққан ва бу ҳолатларда фақат “тоза” ҳаракат қилган.

Унинг жорий йилда ҳимояда тўп ва рақиб йўлини тўсиш учун танлаган позицияси 79 фоиз ҳолатда омадли чиққан. Мавсумнинг биринчи даврасида ҳам унинг бу борадаги кўрсаткичи нисбатан яхши эди (67 фоиз).

Нашрнинг аниқлашича, Тиагу иккинчи мавсумдаги ўйинларда ўтказган 630 дақиқасида бирон марта қоида бузмаган.

Шунингдек, у янги йилда “Тулуза” дарвозасига гол ҳам киритган.