Украина премьер-лигасида 16-тур учрашувлари бўлиб ўтди. Ушбу турда икки ҳамюртимиз тўп тепаётган жамоаларнинг ўзаро тўқнашуви кузатилди. Фақат бу сафар “Говерла” таркибида терма жамоамизнинг собиқ ҳужумчиси Максим Шацких майдонга туширилмади.

Меҳмонлар бош мураббий таркибда кескин ўзгаришларни амалга оширди ва табиийки майдонда экспериментал таркиб ҳаракат қилди. Натижа ҳам шунга монанд бўлди. Санжар Турсуновнинг “Ворскла” клуби 2:0 ҳисобидаги ишончли ғалабани тантана қилди ва турнир жадвалида 21 очко билан 7-ўринга кўтарилиб олди.

Ўйинда фаол ҳаракат қилган Турсунов икки бор рақиб дарвозасини ишғол қилиши мумкин эди. Лекин ҳар икки вазиятда Коваль ўз маҳоратини намойиш этиб қолди. Бу мағлубиятдан сўнг “Говерла” 9 очко билан 12-поғонани эгаллаб турибди.

ВОРСКЛА – ГОВЕРЛА 2:0
Голлар: Люлька, 30 (ўз дарвозасига), Громов, 74
“Ворскла”: Богуш, Сапай, Симинин, Ткачук, Даллку, Маркоски (Ковпак, 88), Дедечко, Чеснаков, Громов, САНЖАР ТУРСУНОВ (Будник 84), Шиндер (Баранник, 81)
“Говерла”: Коваль, Качараба, Ягодинскис, Люлька (Акимов, 34), Глушицкий, Акакпо, Аруна (Хлебас, 72), Тудосе, Мякушко, Фешук, Гришин (Трухин, 80)
Огоҳлантиришлар: Громов, Чеснаков — Глушицкий, Тудосе