"Краснодар" клубининг ўзбекистонлик ярим ҳимоячиси Одил Аҳмедов Россиянинг ФНК ва СЭ интернет нашрлари томонида Премьер-лига 18-тури рамзий терма жамоаларига киритилди.
"Футболкасидаги мағрур 10-рақамга ва ҳужумда ҳам бирдек яхши ўйнай олишига қарамай, Одил Аҳмедов ўзининг юлдузлироқ жамадошларининг ортидан роялни кўтариб юришига тўғри келмоқда. Ўзбекистонлик легионердан фарқли равишда улар ҳужумни бузишда унчалик яхши ўйнай олишмайди. Аҳмедов эса мағрур инсон эмас. Одил шериги Газинский билан бирга майдон марказини "бетонлаштирди". Ярим ҳимоячининг узатмалари аниқлиги ҳам деярли идеал даражада бўлди. У ҳимоя ва ҳужум чизиғини бир-бирига боғлай олди. Кейинчалик эса Калешин қанотдан етказиб берган узатмага бош билан зарба бериб, "Спартак" дарвозасини ишғол қилди", - дея таъриф берди "Футбол на куличках" сайти.
"Рақиб ҳужумларини ёпа олди. "Спартак" дарвозасига эса бош билан машғулотдагидек гол урди", - дея ёзади "Спорт-экспресс" нашри.
