“Локомотив” футболчилари Олий лига 1-турида “Металлург” меҳмони бўлиб, 0:0 ҳисобидаги натижани қайд этишди. Учрашувдан сўнг ўтказилган матбуот анжуманининг биринчи қисмида “темирйўлчилар” устози Вадим Абрамов ўйин борасидаги фикрлари билан ўртоқлашди ва журналистлар саволларига жавоб берди.

"Майдон ҳолати футболчиларнинг бор кучи билан ҳаракатланишига имкон бермади. Натижада ўйин биз кутгандек тус олмади.

Икки кундан сўнг Доҳага сафар уюштирамиз. Шу сабабли, бир нечта асосий таркиб ўйинчилари дастлабки дақиқалардан майдонга тушмади. Биз кучимизни Осиё чемпионлар лигасига сақладик”, — дейди Вадим Абрамов.