«Arsenal» yarimhimoyachisi Mesut O‘zil londonliklar safiga kelib qo‘shilganidan buyon armon bo‘lib qolayotgan narsasi haqida gapirdi.

«Har doim 10-raqam ostida to‘p surishni istaganman. «Arsenal» boshidanoq bu istagimni bilardi. Ammo 2013 yili jamoaga kelganimda, bu raqam Jek Uilshirga tegishli edi. O‘shanda bu raqam bo‘shab qolishi bilan menga berilishini va’da qilishdi. O‘tgan yili yozda Uilshir ijaraga ketdi. Ammo men hanuzgacha bu raqamni olmadim» - dedi O‘zil Kicker xabarida.

Eslatib o‘tamiz, O‘zil «Arsenal» tarkibida 140 o‘yinda maydonga tushib, 29ta gol urgan va 50ta golga hammualliflik qilgan.