Gollandiyalik mutaxassis Lui van Gal murabbiylik faoliyati yakunlari haqida gapirdi.
«MYU» bilan qo‘lga kiritilgan Angliya Kubogi – faoliyatimdagi eng katta yutuqdir. Manchesterdagi so‘nggi 6 oy juda og‘ir kechgan edi. Men katta bosim ostida o‘ynagan jamoa bilan sovrin yutib oldim.
Biroq o‘z falsafamga sodiq qoldim va ishtiyoqni so‘ndirmadim. Final juda qiyin kechgan edi, biz 10 futbolchi bo‘lib o‘ynadik. Buni unutish qiyin» - dedi Lui van Gal.
Eslatib o‘tamiz, Lui van Gal o‘z faoliyati davomida turli jamoalar bilan Gollandiya, Ispaniya va Germaniya chempioni bo‘lgan. Shuningdek, «Ayaks» bilan Chempionlar ligasida g‘olib chiqqan.
