Samarqanddagi qarorgohida yangi mavsumga tayyorgarlik ko‘rayotgan «Dinamo» jamoasi 19 yanvar kuni navbatdagi o‘rtoqlik uchrashuvini o‘tkazadi.

Ayni damda faqat mahalliy futbolchilardan iborat tarkib bilan mashg‘ulotlarni olib borayotgan Ilhom Sharipov boshchiligidagi «Dinamo» klubi 19 yanvar, payshanba kuni Navoiy shahrida mahalliy «Qizilqum» jamoasiga qarshi saf tortadi. O‘yin soat 12:00 da boshlanishi rejalashtirilgan.

Eslatib o‘tamiz, «Dinamo» bunga qadar ikkita o‘rtoqlik uchrashuvi o‘tkazgan edi. Dastlab 13 yanvar kuni Jizzaxda «So‘g‘diyona» bilan (0:0) o‘yin o‘tkazilgan bo‘lsa, 16 yanvar kuni Yangiyerda «Mash’al» jamoasi ustidan 0:1 hisobida g‘alabaga erishilgandi.