O‘zbekiston terma jamoasi bilan nazorat uchrashuvida durang (2:2) o‘ynagan Gruziya terma jamoasi bosh murabbiyi Vladimir Vayss fikrlari bilan o‘rtoqlashdi.

"Tarixda gruzin futbolida iqtidorli o‘yinchilar ko‘p bo‘lgan. 1980/81 mavsumda Kubok egalari kubogini qo‘lga kiritgan Tbilisi "Dinamo"sini oling, Keyin yangi avlod keldi: Kaxa Kaladze, Levan Kobiashvili, "MYU"da o‘ynagan va o‘yin uslubi Mardonaga o‘xshaydigan Georgiy Kinkladze. Men zafarlarga erishish uchun gruzin futboliga nima yetishmatyoganini bilishni xohlardim.

Terma jamoa bilan bir yildan buyon ishlayapman, unig yarmi birinchi 3-4 uchrashuvning tahliliga ketdi. Men o‘yinchilarning mentalitetini o‘rgandim va oddiy xulosa chiqardim: slovakiyaliklarga qaraganda gruzin futbolchilari iqtidori, texnikasi kuchliroq va to‘pni sevadilar. Ammo to‘psiz o‘ynashni unchalik xush ko‘rmaydilar. Faqat taktik jihatdan savodli bo‘lgan taqdirdagina zafarlar quchish mumkin.

Qadamma qadam bu maqsadga erishyapmiz. Tornike Okriashvili, Levan Mchedlidze, Jano, Valeriy Kazaishvili kabi futbolchilarni to‘psiz o‘ynashga o‘rgatish uchun menga vaqt kerak bo‘ladi. Agar buni uddalay olsam, natijalar keladi", - deydi Vayss.