Shotlandiya chempionatining yoshlar ligasida qiziq voqea yuz berdi.

«Shettlston» klubi darvozaboni Garri Uayt o‘yin tugashini kutib turolmadi va darvoza ustuni yonida kichik ehtiyojini qondirdi. Buni sezib qolgan bosh hakam, 72-daqiqada unga qizil kartochka ko‘rsatib, maydondan chetlatdi.

Klub bosh murabbiyi Jon Fellon bu voqeadan norozi bo‘ldi va tegishli idoralarga shikoyat etishini ma’lum qildi.

«To‘pni o‘yinga kiritishdan oldin darvozabon yon hakamga murojaat qilib, hojatxonaga kirib chiqish haqida ruxsat so‘ragan. Ammo hakam bunday sabab tufayli o‘yinni to‘xtatishning iloji yo‘qligini aytgan. Shundan so‘ng darvozabon o‘z ehtiyojini qondirishga majbur bo‘lgan.

Biroq, bosh hakam uni maydondan chetlatgan. Xo‘sh nima uchun? Futbol qoidalarida bunday band yo‘qku? Biz tegishli idoralarga bu borada shikoyat qilamiz» - dedi Fellon The Sun xabarida.