FIFA Tehronning "Istiqlol" klubiga nisbatan yanvar oyida yangi futbolchilarni ro‘yxatdan o‘tkazishni taqiqlash haqida qaror chiqarganidan keyin jamoaga yangi qo‘shilgan 3 futbolchining taqdiri noma’lum bo‘lib turgandi.

"Istiqlol" ushbu masalada FIFAga murojaat qilib, erkin agent sifatida qo‘shib olingan futbolchilarni ro‘yxatdan o‘tkazishga ruxsat berishni so‘radi. Ammo FIFAning qarori yakuniy bo‘lib, katta ehtimol bilan ushbu qaror o‘zgartirilmaydi. FIFA forslarning ushbu so‘roviga rad javobini bersa, Server Jeparov boshqa jamoaga yarim yilga ijaraga berilishi mumkin.

Tasnimnews.com saytining xabar tarqatishicha, o‘zbekistonlik futbolchi Xuzistonning "Istiqlol" klubiga beriladi. Mazkur klub o‘tgan mavsumda Eron chempionligini qo‘lga kiritgan hamda Osiyo chempionlar ligasining "V" guruhida BAAning "Al-Jazira", Qatarning "Laxviya" jamoalariga qarshi bahs olib boradi. "Nasaf" Bahraynning "Al-Hidd" va Saudiya Arabistonining "Al-Fotih" klublari to‘sig‘idan o‘tsa, aynan shu guruhdan o‘rin oladi.