Ba’zida eng zo‘r jamoaviy o‘yin ham shunchaki yetarli bo‘lmaydi. Shunday o‘yin ko‘rsatgan «Atletiko» bu safar «Barselona»dan o‘yin boshida ikkita gol o‘tkazib yubordi, ikkinchi taymdagi ajoyib harakatlar esa mag‘lubiyatdan qutulishga yetarli bo‘lmadi. «Barsa»ning ustunligini esa Lionel Messi va Luis Suares mahoratining o‘ta yuksakligi ta’minladi.

O‘tgan mavsum Chempionlar ligasi chorak finalida «matraschilar» ikki o‘yin natijasiga ko‘ra kataloniyaliklarni musobaqadan chiqarib yuborgan edi. Biroq o‘shanda Messi, Suares va Neymarning Janubiy Amerikadagi terma jamoalar o‘yinlaridan charchab qaytgan davriga to‘g‘ri kelgan va bu «Atletiko»ning g‘alabasiga sezilarli ta’sir ko‘rsatgan edi. Bu uchlik kuchga to‘lgan holda bo‘lganida, to‘qnashuv boshqacha ko‘rinish olishi mumkin edi.

Kechagi o‘yinda esa ular aynan shunday holatda edi. «Atletiko»ning mashhur himoyasi so‘nggi paytlarda tartibsiz o‘yin ko‘rsatayotgan bo‘lsa ham, «Barsa»ga qarsha o‘yinda yana asliga qaytgan edi. Biroq ular Suares 7-daqiqadayoq jamoaning deyarli yarmini ortda qoldirib darvozani ishg‘ol qilganda va 33-daqiqada Messining hayratlanarli zarbasiga qarshi hech narsa qila olmadi.

Aslida ularni qanday to‘xtatish mumkin? Bu juda qiyin, aynan futbolchilarning individual mahorati bu darajadagi farqni ko‘rsatadi. «Ateltiko» esa qanchalik sifatli jamoaviy o‘yin ko‘rsatmasin, Messi, Suares va Neymar singari futbolchilarga ega emas. Madridliklarning bu futbolchilar darajasiga eng yaqin a’zosi Antuan Grizmann bo‘lib, u buni o‘zining ikkinchi bo‘limdagi goli bilan ko‘rsatdi. Balki fransiyalik hujumchi javob o‘yinida ham vaziyatni o‘zgartirishga urinib ko‘rar.

Ham Buskets, ham Inestaning xizmatlaridan bir vaqtning o‘zida foydalana olmayotgan «Barsa» esa Messi va Suaresning mahorati evaziga maydon markazidagi ustunlikni ta’minlashga hojat ham sezmadi. Messining bu bahsdagi o‘yinin alohida ta’kidlash lozim. Argentinalik futbolchi o‘zi doimo oldinga tashlanib turish bilan birga to‘pni hech kimga uzatish imkonsizdek tuyulgan qator vaziyatlarda kerakli futbolchini topa oldi va bu uning sheriklarini butun o‘yin davomida ma’lum bosim ostida ushlab turdi.

«Atletiko» esa o‘zining Qirol kubogi doirasida «Visyente Kalderon» stadionidagi so‘nggi o‘yinida mag‘lubiyatdan qutulib qolish uchun oldinga tashlandi. Albatta, kelayotgan yozda buziladigan stadionda musobaqa finali o‘tkazilishi mumkinligini ham yoddan chiqarmaslik lozim. Biroq Simeone jamoasi baribir vaziyatni o‘nglay olmadi. Zaxiradan maydonga tushgan Fernando Torres mezbonlar o‘yiniga shijoat qo‘shgan bo‘lsa ham bu natijaga ta’sir ko‘rsatmadi.

«Visyente Kalderon»da besh fantastik mavsum o‘tkazgan argentinalik murabbiy shartnomasi yakunlanishi oldidan (2018-yil yozida) jamoani yangi stadionga ham boshlab borishi kutilmoqda. Ushbu besh mavsum davomida u «Atletiko» bilan beshta sovrin yutishga erishdi, biroq 2014 yildan buyon biroq sovrin yutolgani yo‘q.

Ammo u «matraschilar»ni o‘zlari yetishi mumkin bo‘lgan eng yuqori marralarga yetaklaganini e’tirof etish lozim. Buning uyatli joyi yo‘q, chunki eng yuksak darajalarda o‘yinlar taqdirini eng, eng, eng yaxshi futbolchilar hal qiladi. Hozirda shunday futbolchilarga ega jamoa «Atletiko» emas, balki «Barselona»dir.