Argentina terma jamoasi bosh murabbiyi Edgardo Bausa terma jamoaga nomzodlar bilan uchrashish uchun Italiyaga kelganini ma’lum qildi.
"Ertaga Iguain va Dibala bilan uchrashish uchun Turinga yo‘l olaman. Avvalroq, Banega va Ikardini ko‘rish uchun "Inter" mashg‘ulotiga bordim. Mauro biz uning "Milan"dagi muvaffaqqiyatlarini kuzatayotganimizni biladi. U yaxshi o‘ynayapti va uni Argentina terma jamoasiga chaqirishimiz mumkin. Ammo nima bo‘lganda ham Iguain hujumda birinchi raqamli bo‘lib qoladi", - deydi Bausa.
Avvalroq, Bausa Ikardining terma jamoaga chaqirilishiga taqiq qo‘yilganini inkor qildi. Mish-mishlarga ko‘ra bu taqiqni Lionel Messi qo‘ygan.
Ikardi Argentina terma jamoasi safida bir marta maydonga tushgan, xolos. 2013 yilning oktyabrida Urugvayga qarshi uchrashuvda (2:3) Ikardi yetti daqiqa harakat qilgan. Bu mavsum "Inter" safida A seriyaning 22 uchrashuvida 15ta gol urdi.
