Turkiyaning Antaliya shahrida yangi mavsum hozirliklarini davom ettirayotgan “Lokomotiv” bugun ikkinchi o‘rtoqlik uchrashuvini o‘tkazdi.
“Temiryo‘lchilar”ga Bosniya va Gersegovinaning “Sarayevo” klubi raqiblik qildi. Anchagina qiziqarli ko‘rinish olgan bellashuvda dastlab bosniyalik futbolchilar penaltidan hisobni ochishdi. 42-daqiqada esa Nyore Krizo jamoaviy hujumni gol bilan yakunlab, hisobni tenglashtirdi. Mazkur hisob o‘yin so‘nggiga qadar o‘zgarmadi va yakunda durang natija qayd etildi.
“Lokomotiv” – “Sarayevo” 1:1
Gollar: Krizo (42) - Sarich (22, pen.)
“Lokomotiv”: Nesterov, Muhammadiyev, Maxaradze, To‘xtaxo‘jayev, Zoteev, Kapadze (Yo‘ldoshev - 81), Abdullayev (Ro‘ziyev - 76), Mirzayev (Qutiboyev - 67), Bikmayev (Bobojonov - 81), Masharipov, Krizo (Usmonov - 64).
“Sarayevo”: Pavlovich, Kadushich, Hodjich, Ivetich, Novakovich, Rustemovich, Sarich, Duljevich, Crnkich, Hebibovich, Ahmetovich.
