“Farg‘ona viloyati hokimi kubogi-2017”dan keyin qo‘qonlik futbolchilarga qisqa muddatli ta’til berildi. Ertaga esa so‘nggi yig‘in boshlanadi. U 28 fevralga qadar Toshkent shahrida bo‘lib o‘tadi. Poytaxtda yig‘ilgan futbolchilar dastlab “Futbol qoidalaridagi o‘zgarishlar” mavsuzida o‘quv-amaliy seminarida ishtirok etishadi.
11 fevraldan mashg‘ulotlar boshlanadi. So‘nggi yig‘in davomida to‘rtta nazorat uchrashuvi o‘tkazilishi ko‘zda tutilgan. 13 fevral kuni qo‘qonliklar “So‘g‘diyona”ga qarshi maydonga tushishadi. 14 fevral kungi raqib sifatida – Samarqandning “Dinamo” jamoasi tanlangan. 18 fevral kuni esa G‘uzorning “Sho‘rtan” jamoasi bilan kuch sinashadi. Nihoyat, 23 fevral kuni bo‘lib o‘tadigan so‘nggi nazorat uchrashuvida Qozog‘istonning “Ekibastuz” jamoasi raqib vazifasini o‘tab beradi.
