Andrey Fyodorov ustozligidagi “Neftchi” jamoasi 9 fevral kuni Bosniya va Gersegovinaning “Sarayevo” FK jamoasiga qarshi nazorat bahsida ishtirok etdi.
O‘yin raqibning 0:1 hisobidagi g‘alabasi bilan yakunlandi. Aytish kerakki, kuchli raqibga qarshi kechgan raqobat garchi mag‘lubiyat bilan yakunlangan bo‘lsada jamoamiz uchun anchayin foydali bo‘ldi deb aytish mumkin. Bellashuv davomida “Neftchi”da ham “Sarayevo” vakillarida ham gol kiritish uchun bir qator qulay vaziyatlar yuzaga keldi. Biroq raqib mazkur vaziyatlarning biridan unumli foydalandi. Ushbu o‘yinda “Neftchi”ning yangi legioner futbolchisi Terentiy Lusevich ilk bahsini o‘tkazdi. E’tiborli tarafi, dastlabki o‘yinda Andrey Fyodorov Lusevichni ilk daqiqalardan himoya markazida xarakat qilishiga ko‘rsatma berdi. Umuman olganda, Terentiy birinchi o‘yinida yomon harakatlanmadi.
“Neftchi” bahsda quyidagi tarkibda maydonga tushdi.
Asosiy tarkib: Abdumavlon Abdujalilov, Sergey Konsevoy, Dilyor Irmatov, Furqat Hasanboyev, Terentiy Lusevich, Umid Qodirov, Muzaffar Muzaffarov, Abbos Maxstaliyev, Abdurahmon Abdulhaqov, Dmitriy Komarovskiy, Mo‘ydin Mamazulumov
Zahiradan maydonga tushganlar: Nikita Pavlenko, Abdujamol Isroilov, Said Abdujabborov, Javohir Rasulov, Husniddin G‘ofurov
