2016 yilgi mavsum natijasiga ko‘ra Oliy Ligaga qaytgan Samarqandning “Dinamo” jamoasi murabbiylari shtabida o‘zgarish yuz berdi.

“Dinamo”ni Oliy Ligaga qaytargan jamoa bosh menejeri Ilhom Sharipov salomatligini tiklash maqsadida hamda bosh menejer sifatida shartnomasi yakunlangani sababli jamoaga bosh murabbiy etib tajribali mutaxassis Edgar Gess tayinlandi.

“Dinamo” klubi matbuot xizmati ham ushbu xabarni tasdiqladi.  Ilhom Sharipov sog‘lig‘ini tiklash bilan birga klub rahbariyatidagi faoliyatini davom ettiradi. Uchqun Qobilov va Rafael Balasanyan yangi bosh murabbiyga yordam beradi.

Ma’lumot uchun, Edgar Yakovlevich Gess 1954 yil, 14 mart kuni tavallud topgan. Pro murabbiylik lizensiyasiga ega bo‘lgan mutaxassis faoliyati davomida “Paxtakor” (1986), “Zarafshon” (1987–1988), “Mittelbiberax” (Germaniya, 1991–1995 va 1997–1999), “Turkspor”” (Germaniya, 1999–2003), “Olmaota” (Qozog‘iston, 2004), “Alaniya” (Rossiya, 2005), “Vetra” (Litva, 2006), “Andijon” (2006–2007), “Nasaf” (2008), “Sho‘rtan” (2009–2011 va 2012–2013), “Buxoro” (2013–2014), “Andijon” (2014–2015) klublarini boshqargan.