Tvitter ijtimoiy tarmog‘ida Nadeem ismli muxlis "Manchester Siti"ga taktikani o‘zgartirishni maslahat berdi va bunga javoban murabbiylik qilish taklifini oldi.
"Iltimos, Gvardiolaga yetkazib qo‘yinglar, to‘pni bir-biriga oshirverish bilan g‘alaba qozonib bo‘lmaydi. Ularga boshqa jamoalar gol urayotganini ham bildirib qo‘yinglar", - deb yozdi muxlis Tvitterda.
"Nadeem, siz futbol murabbiyi bo‘lishni o‘ylab ko‘rmaysizmi?", - deya javob berdi "Manchester Siti"ning tvitterdagi akkaunti.
"Manchester Siti" ayni vaqtda APLDa "Tottenhem"dan bir, "Chelsi"dan 10 ochko kam jamg‘argan holda uchinchi o‘rinda bormoqda.