«Real» bosh murabbiyi Zayniddin Zidan hujumchi Karim Benzemaning sermahsulligini pasayishi oqibatida, uning sha’niga yog‘ilayotgan tanqidlarga qo‘shilmadi.
«Jurnalistlar nimani xohlasa shuni yozishi mumkin. Ammo men uchun mashg‘ulotlarda ko‘rayotgan narsam muhimroq.
Benzemaning ishidan mamnunman. Albatta muxlislar undan ko‘prog‘ini talab qilishi mumkin. Ba’zan tanqidlardan xafa bo‘laman, ammo tanqid o‘sishga yordam beradi. Men tanqidga qarshi emasman.
Benzema boshqalarga gol urishda yordam bermoqda. U yanada sermahsulroq o‘yin namoyish qilishi mumkin, biroq u jamoadoshlariga ko‘p yordam bermoqda. Shunisi menga yoqadi» - dedi Zidan.
