Ispaniya chempionatining 23-turidan o‘rin olgan «Espanyol»ga qarshi o‘yinda, «Real» hujumchisi Alvaro Morata hisobni ochdi.
Natijada, jamoa qatorasiga 42 o‘yinda gol urib, o‘z rekordini yangiladi. So‘nggi bor «Real» 2016 yilning 26 aprelida «Man Siti» bilan 0:0 hisobida durang o‘ynab, raqib darvozasini ishg‘ol qilolmagan edi. Shundan buyon jamoa 42 o‘yin o‘tkazib, jami 113ta gol urishga muvaffaq bo‘ldi.
Ispaniya chempionatining mutlaq rekordi «Barselona» klubiga tegishli bo‘lib, jamoa 1942/43 va 1943/44 mavsumda qatorasiga 44 o‘yinda gol urgan.