«Nissa» hujumchisi Mario Balotelli Fransiya chempionatida «noyob» ko‘rsatkich sohibiga aylandi.

Ma’lumki, obro‘li L'Equipe nashri 1998/99 mavsumidan buyon, har bir o‘yindan so‘ng futbolchilarni baholab boradi. Shu paytgacha faqat 11 futbolchi 10 balli tizimda 1 ball olgan edi. Yaqinda 26 yoshli Balotelli ham ularning safini to‘ldirdi.

Futbolchi «Loryan» klubiga qarshi o‘yinning 68-daqiqasida, bosh hakamni haqorat qilgani uchun maydondan chetlatildi. Bu Balotellining uchrashuv davomida qilgan yagona ishi bo‘ldi. Natijada uning o‘yini nashr tomonidan 1 ballga baholandi.