"Barselona" himoyachisi Jerar Pike ayni vaqtda jamoadagi vaziyat haqida tushuntirish berdi.

"Hozir qiyin davrni boshdan kechirayotganimiz to‘g‘ri. Bir yarim oydan buyon o‘zimiz xohlagan futbolni ko‘rsata olmayapmiz, ammo o‘ylaymanki, bu yengib o‘tsa bo‘ladigan holat. Biz yana o‘z o‘yinimizni topishga g‘arakat qilyapmiz va to‘ri qaror chiqarish yo‘llarini qidiryapmiz.

Lucho kelganida biz botqoqqa boib yotgan edik, biz u bilan treblga erishdik. Men sizlarni o‘tmishga boqib, uning mehnatlarini qadrlashingizni so‘rayman.

Biz Luis Enrike bilan o‘limgacha birgamiz. Biz bu qiyin davrni birgalikda yengib o‘tmoqchimiz.

Yomon o‘yin - bu faqat taktika emas, bu o‘zimizga bo‘lgan ishonchning yetishmasligi hamdir. Va’da beraman, buni yenib o‘tish uchun hamma narsa qilamiz.

Muxlislarga aytar so‘zim: biz hamon uchta musobaqada ishtirok etyapmiz va ishonamanki, La ligada imkoniyatlarimiz bor, biz oxirigacha kurashamiz.

Chempionlar ligasida esa, muxlislarni "Kamp Nou"ga taklif qilaman. Agar kambek qila olsak, ular uyda qolganlaridan afsuslanadilar.

Va nihoyat, Qirol kubogida bizni "Alaves" bilan final kutib turibdi.

Jamoa sha’niga bo‘layotgan hushtakbozliklarni tushunmayman. Biz birgalikda olg‘a intilishimiz kerak.

Bilaman, futbol o‘tmish bilan bog‘liq emas. Ammo men Luchoning mehnatlarini qadrlanishini istayman. Ammo xoirasi kichik insonlarni tushunmayman", - deydi Pike.