Angliya futbol assosiasiyasi «Bornmut» himoyachisi Tayron Mingz va «Manchester Yunayted» hujumchisi Zlatan Ibrohimovichni jazolaydi.

O‘zaro o‘yinda dastlab Mingz yerda yotgan Ibrohimovichning boshini bosgan, keyinchalik esa Zlatan uning boshiga tirsagi bilan urgandi. Bosh hakam Kevin Frend esa buni payqamagan va futbolchilarni jazolamagandi.

Endi Ibrohimovich katta ehtimol bilan uch o‘yinga, Mingz esa uzoqroq muddatga diskvalifikasiya qilinishi mumkin. Eslatib o‘tamiz, o‘yindan so‘ng har ikkalasi ham atayin bu ishni qilmaganini aytgan.