«Arsenal» hujumchisi Aleksis Sanches jamoasining sharmandali mag‘lubiyatidan zarracha ranjimagan ko‘rinadi.

Futbolchi Chempionlar ligasidan o‘rin olgan «Bavariya» (1:5) klubiga qarshi o‘yinning 72-daqiqasida almashtirilgach, zaxira o‘rindig‘ida ko‘ngilxushlik qilib, kulib o‘tirdi.

Shundan so‘ng, ba’zi fanatlar uning bu qilig‘idan darg‘azab bo‘lib, futbolchidan jamoani tark etishni talab qilishdi.

«Muhtaram «Chelsi», iltimos, Diyego Kostani Xitoyga yuborib, Sanchesni olaqol».

«Aslida kimligingni ko‘rsatding. Sen bizga kerak emassan, uyingga daf bo‘l».

«Ahmoq, zarracha bo‘lsa-da hurmatingni saqlab o‘tir».

«Agar bu yer senga yoqmayotgan bo‘lsa, jamoadan daf bo‘l» - deb yozishdi fanatlar.