"PSJ" bosh murabbiyi Unai Emeri bilan o‘z shogirdlari o‘rtasida jiddiy muammo yuzaga keldi, deya xabar beradi La Gazzetta dello Sport.
Manbaga ko‘ra, futbolchilar bosh murabbiyning ba’zi qarorlarini hurmat qilmay qo‘yishgan. Bundan tashqari, YECHL 1/8 finalida "Barselona"dan uchralgan mag‘lubiyatdan so‘ng (1:6) futbolchilar ustozlari harakatidan norozi bo‘lganlar.
Joriy mavsum davomida Emeri "Las-Palmas"dan ijaraga o‘tgan Xese Rodriges, Atem Ben-Arfa, Anxel Di Mariya, Serj Orye va Marko Verratti kabi futbolchilar bilan ziddiyatga borgan. Ayni paytda vaziyat chidab bo‘lmas darajaga yetgan.
Bunga sabab "Barselona"dan uchralgan mag‘lubiyatdan so‘ng, Emerining futbolchilariga quyida aytgan so‘zlari sabab bo‘lgan: "Men buyuk murabbiy bilan gaplashdim va u qo‘l ostida qiyin vaziyatlar chiniqqan va chempionlar ligasida g‘olib chiqishga o‘rgangan yaxshiroq futbolchilar borligini aytdi".
Futbolchilar Emerining bu so‘zlarini, o‘zlari "Barselona" futbolchilaridan kuchsiz ekanliklariga sha’ma qilgan deb tushunishgan.
