"Sevilya" bosh murabbiyi Xorxe Sampaoli Ispaniya chempionatining 28-turida "Atletiko"dan uchralgan mag‘lubiyat (1:3) jamoasining chempionlik uchun imkoniyatdan mahrum qilganini tan oldi.
"Bu mag‘lubiyat bu mavsumda uzoq muddatdan so‘ng birinchisi bo‘ldi va tan olishim kerakkk, "Sevilya"ning chempionlik uchun umidlari sarobga aylandi. "Real"dan 8 ochko ortda qoldik, ulardan yana bir o‘yin zaxirada bor. Endi chempionlar ligasining saralashiga emas, guruh bosqichiga tushish uchun chempionatni uchinchi o‘rinda tugatishga harakat qilishimiz kerak", - deydi Sampaoli.
