Kuni kecha Chili terma jamoasi a’zosi Pedro Pablo Ernandes o‘zi tug‘ilib o‘sgan Argentinaga qarshi bahs olib bordi.
Goal nashri Ernandes kabi o‘z vataniga qarshi o‘ynagan futbolchilarni eslab o‘tdi. E’tiboringizga ushbu futbolchilar ro‘yxatini xavola qilamiz.
Pedro Pablo Ernandes – Chili terma jamoasi a’zosi Argentinada tavallud topgan. Kuni kecha o‘z ona vataniga qarshi bahs olib bordi.
Matias Fernandes – Asli argentinalik navbatdagi futbolchi Matigol ham Chili terma jamoasini tanlagan. Pablo Ernandesdan farqli o‘laroq, u 2015-yilda «Kopa Amerika » musobaqasidayoq Argentinaga qarshi to‘qnash kelgandi.
Miroslav Kloze – Kloze Polshada tavallud topgan. Ikki mamlakat terma jamoasidan chaqiriq qog‘ozi kelganida, hech ikkilanmay Germaniya termasini tanlagan. U o‘z vataniga qarshi 2006-yilgi Mundialda boshqa bir “vatandoshi” Lukas Podolski bilan birga to‘qnash kelgan.
Lukas Podolski – asli polshalik Podolski ham Germaniya terma jamoasi tarkibida Polshaga qarshi 2006-yilgi Mundialda duch kelgan.
Jerom Boateng – asli ganalik Jerom Boateng 2014-yilgi Mundialda nafaqat o‘z ona vatani, balki tug‘ishgan akasi Kevin-Prints Boatengga qarshi maydonga chiqqan.
Granit Chaka – Aka-uka Boatenglar “qismati” Chakalarga ham ro‘baro‘ keldi. Ular “Evro-2016”da Albaniya – Shveysariya bahsida bir-biriga qarshi bellashishdi.
Avraam Papadopulos – Gresiya terma jamoasining so‘nggi yillardagi eng yaxshi o‘yinchilaridan biri Papadopulos Avstraliyada tavallud topgan. Unga ham Avstraliyaga qarshi bahs olib borish “baxti” nasib qilgan.
Pepe – “Real” himoyachisi asli braziliyalik ekanligini ko‘pchilik muxlislar bilmasligi aniq. Ona yurti – Braziliyaga qarshi 2010-yilgi Jahon Chempionatida qarshi to‘p surgan. Kamiga, sariq kartochka ham ishlab olgan.
