AQSHning Florida shtati Mayami shahrida ATP Masters turkumiga kiruvchi nufuzli musobaqada 1/16 final bahslari bo‘lib o‘tmoqda.

Jahonning yettinchi raketkasi Rafael Nadal germaniyalik Filipp Kolshrayberga qarshi kortga chiqdi va bu bahs ispaniyalik raketka ustasi uchun faoliyatidagi 1000-o‘yin bo‘ldi.

Nadal mazkur bahsni juda og‘ir boshladi va birinchi setda bitta ham geymni o‘z foydasiga yozib qo‘ya olmadi.

Lekin qolgan ikki setda u ustunlikni to‘lig‘icha o‘z tomoniga og‘dira oldi va 6:2, 6:3 hisobida zafar quchib, yubiley bahsini o‘z foydasiga hal qildi. Bu Nadal faoliyatidagi 822-g‘alaba bo‘ldi.

"Mingta uchrashuv - bu juda ko‘p va bu yaxshi. Bu mening faoliyatim juda uzoq davom etganidan dalolat beradi. Men ko‘p yillar davomida faoliyatimni erta yakunlanishi haqidagi gaplarni eshitib keldim, shuning uchun ham bu men uchun muhim. O‘zimning birinchi uchrashuvimni ham yaxshi eslayman, bu o‘z yurtim Malyorkada bo‘lgan edi. ATP Masters yo‘nalishidagi birinchi g‘alaba - bu katta voqea", - dedi tennischi.

Eslatib o‘tamiz, Nadal Rodjer Federer va David Ferrerdan so‘ng 1000 ta match o‘tkazgan 11-tennischiga aylandi.