Oliy liganing navbatdagi 5-turida jamoamiz o‘z maydonida "Mash’al"ni qabul qiladi

7 aprel (juma). 17:00
«Navbahor» (Namangan) – «Mash’al» (Muborak)
Hakamlar: T. To‘xtasinov (Andijon), A. Marajabov (Andijon), Z. Abdurahmonov (Andijon), D. Klepikov (Toshkent)
Nazoratchi: A. Arutyunov (Toshkent).
O‘zPFL vakili: SH. Rajabov.

“Navbahor” va “Mash’al” Oliy ligada jami 32 bora to‘qnash kelishgan. Natijalar muborakliklarning kichik ustunligini ko‘rsatmoqda. “Mash’al” 13ta o‘yinda zafar quchgan, 7ta o‘yinda durang qayd etilgan. “Navbahor” hisobida 12ta g‘alaba bor. To‘plar nisbatida esa “Navbahor” oldinda - 44-40. O‘zaro o‘yinlarda “Navbahor” 43, “Mash’al” 46 ochkoni qo‘lga kiritgan.

“Navbahor”ning o‘zaro o‘yinlarda qozongan eng yirik g‘alabasi – 8:0 ga teng. “Mash’al”da bu ko‘rsatkich 5:0 bo‘lib turibdi.

Namanganda o‘tgan so‘nggi besh uchrashuv:
19.08.2016 «Navbahor» - «Mash’al» 3:2
14.03.2015 «Navbahor» - «Mash’al» 0:2
25.10.2014 «Navbahor» - «Mash’al» 3:0
03.08.2012 «Navbahor» - «Mash’al» 2:2
05.08.2011 «Navbahor» - «Mash’al» 2:0

O‘zaro o‘yinlar haqida fakt: Bu jamoalarning vodiyda o‘tgan o‘yinlarida “Navbahor” 10 bor zafar quchgan. Uch bor g‘olibni aniqlashning imkoni bo‘lmagan. “Mash’al” hisobida 3 ta g‘alaba mavjud. So‘nggi marta 2015 yili “Mash’al” Namangandan g‘alaba bilan qaytgan. Undan oldin tashkil etilgan 6ta uchrashuvda “Navbahor” o‘z uyida bu jamoaga yutqazmagan.

Hakamlar haqida fakt: Ushbu andijonlik hakamlar o‘tgan mavsum Muborakda o‘tgan "Mash’al"-"Navbahor" uchrashuvini ham boshqarishgandi. O‘shanda "Mash’al" 2:1 hisobida g‘alaba qozongandi.