"Paxtakor" klubining rasmiy sayti klub akademiyasi tarbiyalanuvchilari xalqaro turnirlarda muvaffaqiyatli ishtiroki haqida xabar bermoqda.
Sochida Valentin Bubukin xotirasiga bag‘ishlangan musobaqada "Paxtakor" hozircha uch o‘yinni g‘alaba bilan yakunladi. 16-BO‘SM jamoasi esa ikki durang va bir mag‘lubiyatni qayd etdi.
3 aprel
"Inter" Sochi - "Paxtakor" - 0:5
16-BO‘SM - BO‘SM Irbis Sochi - 1:2
4 aprel
"Paxtakor" - "Sparta" Lazarevskiye - 5:0
"Terek" - 16-BO‘SM - 3:3
5 aprel
"Miras" Qozon - "Paxtakor" - 0:2
16-BO‘SM - "Spartak" Toshkent - 1:1
Krasnodarda Sergey Vaxrushev xotirasiga bag‘ishlangan turnirning 3-turida 2001 yilda tavallud topgan yosh futbolchilarimiz Bolgariyaning "Semtemvri" jamoasini 4:1 hisobida dog‘da qoldirib, guruhda peshqadamga aylanishdi. Yarim finalda Stanislav Kudryashov shogirdlari ertaga Moskvaning "Chertanovo" tarbiyalanuvchilariga qarshi maydonga tushishadi.
Bryanskda 2005 yilda tug‘ilgan yoshlarimiz "Danone" millatlari kubogi saralash bosqichida muvaffaqiyatli qatnashishdi. Endi bu jamoamiz iyun oyi oxirida Moskvada bo‘ladigan final o‘yinlarida ishtirok etishadi, deya xabar beradi "Paxtakor" jamoasining rasmiy sayti.
