"Chelsi" bosh murabbiyi Antonio Konte APLning 32-turida "Bornmut" ustidan safardagi g‘alaba haqida fikr bildirdi.
"Men mamnunman, halaba qozonish oson bo‘lmadi ayniqsa, "Tottenhem"ning g‘alabasidan so‘ng. Biz raqobatchilarimizning natijalariga munosib javob bera oldik.
Men bosim ostida bo‘lishni yoqtiraman va bundan chiqish yo‘llarini bilaman. Aynan bosim ostida nimalarga qodirligingni namoyish eta olasan.
"Tottenhem" bor kuchi bilan chempionlik uchun kurashishini bilamiz. Biz ham shunday qilishimiz kerak. O‘tgan mavsumda "Tottenhem" chempionlik uchun oxirigacha kurashganini yoddan chiqarmang. Ular juda kuchlilar", - deydi Konte.
