“Real Madrid” jamoasi yarim himoyachisi Xames Rodriges klubdagi asosiy tarkib uchun kurashishini ma’lum qildi.

“Taslim bo‘lish taqiqlanadi”, – deb yozdi Xames “Tvitter”dagi sahifasiga. Joriy mavsum davomida Ispaniya nashrlari Xamesning boshqa klubga o‘tib ketishi haqida bir necha bor yozdi. Ammo madridliklar bosh murabbiyi Zinedin Zidan Xamesga ishonishini aytgandi.

Xames Ispaniya chempionati doirasida “Real”ning 15 o‘yinida, shulardan 8 tasida asosiy tarkibda maydonga tushdi. U 3 ta gol va 6 ta golli pasga mualliflik qildi.