Hamyurtimiz Aziz Haydarov to‘p tepadigan – BAA premyer-ligasida kecha 23-tur bahslariga start berildi.
Mazkur tur doirasida «Al-SHabab» safarda chempionat peshaqadami bo‘lgan «Al-Jazira» maydonida mehmon bo‘ldi.
Lekin Aziz Haydarov mazkur o‘yin qaydnomasiga kiritilmadi. Xullas, uchrashuv 3:0 hisobida «Al-Jazira» foydasiga hal bo‘ldi.
Mazkur g‘alabadan so‘ng «Al-Jazira» ochkolari sonini 59taga yetkazib olib peshqadalikni yanada mustahkamladi.
Haydarovning jamoasi esa 26 ochko bilan 8-pog‘onada bormoqda.
Aytib o‘tish joiz bu bahsda «Al-SHabab» nafaqat Haydarov balki, birorta ham legioner futbolchisini o‘yin qaydnomasiga kiritmagan.
«Al-Jazira»-«Al-SHabab»-3:0 (2:0)
Gollar: Ali Mabhut (3), Faris Juma (9), Mahmud Qosim (69-avt.).
-------------------------------------------------------
Eron
Eron chempionatida kecha 27-tur bahslariga start berildi.
Server Jeparov faoliyat olib borayotgan «Sepaxon» o‘z maydonida «Fulad Gostaresh»ni qabul qildi va kichik hisobda g‘alabaga erishdi. Quvonarlisi, mazkur bahsda terma jamoamiz yetakchisi to‘liq ishtirok etdi.
Mazkur g‘alabadan so‘ng «Sepaxon» ochkolari sonini 39taga yetkazib, 4-o‘ringa ko‘tarilib oldi.
«Sepaxon»-«Fulad G.»1:0 (1:0)
Gol: Ehson Hojisafi (45).
Sepaxon: Li Oliveyra, A. G‘ulomi, Mussa Kulibali, B. Xalilzoda, Sarlak, Rasul Navidka, Ehson Hojisafi, Server Jeparov, Mehrdod Muhammadi (Jalol Ali, 80), M. Hasanzoda (R. Mirzoiy, 73) Husayn Papi (Farid Karimi).
Aziz Ibragimov o‘ynayotgan «Mashinsozi» bugun o‘z maydonida chempionat peshqadami «Persipolis»ga qarshi bahs olib boradi.
