"Barselona" hujumchisi Neymarning Ispaniya La ligasining 33-turi doirasida "Real"ga qarshi o‘yinda ishtirok etish ehtimoli yo‘qqa chiqdi.
Marca tarqatgan xabarga ko‘ra, Ispaniya futbol federasiyasi "ko‘k-anorranglilar"ning Neymarning diskvalifikasiyasi yuzasidan bergan apellyasiyasiga rad javobini berdi. Eslatib o‘tamiz, "Malaga"ga qarshi o‘yinda futbolchi chetlatilganidan keyin hakamga qarab qarsak chalgani bois, 3ta o‘yinga chetlatilgandi. "Real Sosyedad"ga qarshi o‘yinda Neymar maydonga tushmadi. Demak, u "el-klasiko"da ham ishtirok etmaydi.
Ammo "Barselona" tasim bo‘lmoqchi emas va ushbu masalada Lozanna shahrida joylashgan Sport arbitraj sudiga murojaat qildi. Sud bu masalani "el-klasiko" bo‘ladigan kun ko‘rib chiqadi.