«Navbahor» va «Sho‘rtan» jamoalari O‘zbekiston chempionatining oliy ligasida shu kunga qadar 22 bor o‘zaro maydonga tushishgan. Bo‘lib o‘tgan uchrashuvlarning o‘n bittasida «Navbahor» g‘alabaga erishgan. Uch bor durang qayd etilgan bo‘lsa, sakkiz o‘yinda «Sho‘rtan» uch ochkoni qo‘lga kiritgan.

To‘plar nisbatidagi ko‘rsatkich esa 34-31, «Navbahor» foydasiga. Jamoalar kuchlilar safida ilk bor 2005 yil to‘qnash kelishgan. O‘zaro o‘yinlardagi yirik hisoblar 2010 va 2012 yillari kuzatilgan. 2010 yilgi chempionatda «Sho‘rtan» 4:0 hisobida mag‘lub etilgan.

Oradan ikki yil o‘tib, G‘uzorda «Sho‘rtan» aynan shu natija bilan ustun kelgan. Jamoalarning o‘tgan mavsumda Namanganda o‘tkazilgan o‘zaro to‘qnashuvida "Navbahor"ning qo‘li baland kelgan. Oleksandr Pishur, Akram Bahritdinov va Mo‘ydin Mamazulunovlarning gollariga g‘uzorliklardan Abbos Omonov javob qaytargan. Ushbu raqibga qarshi Namanganda kechgan so‘nggi ikki o‘yinda "lochinlar" g‘alabaga erishishmoqda.
Jamoalarning o‘zaro o‘yinlari natijalar
2005 yil
"Navbahor" - "Sho‘rtan" - 3:2 (0:1).
Gollar: YO.Nazarov (2 ta), K.Boyev – A.Mochinov, I.Gujva (avtogol).
2006 yil
"Navbahor" - "Sho‘rtan" - 3:2 (1:0). 
Gollar: A.Mirzoyev, P.Agbo, YO.Nazarov – I.Taran (2 ta).
2007 yil
"Navbahor" - "Sho‘rtan" - 2:1 (0:0). 
Gollar: D.Xojiyev, K.Boyev – H.Allamov.
2008 yil
"Navbahor" - "Sho‘rtan" - 0:0.
2009 yil
"Navbahor" - "Sho‘rtan" - 2:1 (2:0).
Gollar: A.Sultonov, G‘.Jo‘rayev - P.Pavlov.
2010 yil
"Navbahor" - "Sho‘rtan" - 4:0 (4:0). 
Gollar: YU.Selix (3 ta), O.Valijonov.
2011 yil
"Navbahor" - "Sho‘rtan" - 0:0.
2012 yil
"Navbahor" - "Sho‘rtan" - 1:1 (0:0).
Gollar: A.Toirov - L.Ubaydullayev.
2013 yil
"Navbahor" - "Sho‘rtan" - 0:1 (0:0).
Gollar: O.Jo‘raboyev.
2015 yil
"Navbahor" - "Sho‘rtan" - 4:2 (2:2).
Gollar: D.Jabborov, U.Baqoyev (3 ta) - M.Rajabov, I.Taran.
2016 yil
"Navbahor" - "Sho‘rtan" - 3:1 (1:1).
Gollar: O.Pishur (1), A.Bahriddinov (71), M.Mamazulumov (72) – A.Omonov (31).