«Barselona» klubi Ispaniya chempionatining 33-turi doirasida "Real"ga qarshi o‘yinda Neymarning xizmatidan foydalanish imkoniyatlarini saqlab qolmoqda.
Ispaniya futbol federasiyasi kataloniyaliklarning apellyasiyasiga rad javobini berganidan keyin, "ko‘k-anorranglilar" juma kuni kechki payt Ispaniya sport tribunali (TAD)ga shikoyat kiritishdi. TAD kecha kunduzi o‘zining navbatdagi yig‘ilishini o‘tkazgani bois, bu yig‘ilishda Neymar ishi ko‘rib chiqilmadi. Odatda TAD turli ishlarni ko‘rib chiqish uchun bir haftada 1 marta yig‘iladi. TAD Neymarning ishini ko‘rib chiqqunga qadar "Barselona" futbolchining diskvalifikasiyasi to‘xtatib turilishiga umid qilmoqda.
Agar sport tribunali 22 aprel, shanba kuni favqulotda yig‘ilish o‘tkazmasa, Neymarning diskvalifikasiyasi vaqtinchalik to‘xtatiladi hamda futbolchi yakshanba kuni bo‘ladigan o‘yinda ishtirok etishi mumkin.
Eslatib o‘tamiz, Neymar 3ta o‘yindan diskvalifikasiya tufayli «Real Sosyedad»ga qarshi o‘yinni (2:3) o‘tkazib yuborgandi.
Braziliyalik futbolchi "Malaga"ga qarshi o‘yinda (0:2) maydondan chetlatilganidan keyin, hakamga qarata istehzo bilan qarsak chalgandi.