«Chelsi» bosh murabbiyi Antonio Konte hujumchi Diyego Kostaning golsiz o‘yinlaridan xavotirda emas.
Futbolchi so‘nggi 6 o‘yinda raqib darvozasini biror marta ishg‘ol qilolmadi.
«Kosta uchun xavotirda emasman. Menimcha u gollarini mavsum oxiri uchun asrab qo‘ygan. Hozir ayni gol urish payti yetib keldi. Bunday bosimni tushunsa bo‘ladi, chunki chempionlikka da’vogar jamoa har doim bosim ostida o‘ynaydi. Men oltinchi yoki yettinchi o‘rin uchun kurashgandan ko‘ra, mana shunday bosim ostida ishlashni afzal ko‘raman» - dedi Konte Goal xabarida.