"Chelsi" yarimhimoyachisi Sesk Fabregas Angliya kubogi yarim finalida "Tottenhem" bilan uchrashuv oldidan fikrlari bilan o‘rtoqlashdi

"Biz ko‘p mehnat sarflagan ushbu musobaqaning eng muhim uchrashuviga bor diqqatimizni qaratmoqchimiz. Biz finalga chiqmoqchimiz. "Tottenhem" Angliya chempionligiga nomzodmi, yo‘qmi, buning ahamiyati yo‘q. Futbolda barcha musobaqalar bir biridan farq qiladi. O‘yin finalga yo‘llanma beradi, 3 ochko yoki durang emas.

"Tottenhem" bizni yutmoqchi. Biz esa ularni yutmoqchimiz. Bu bor yo‘g‘i bir o‘yin. Ba’azan o‘yin natijalari jamoa ruhiyatiga ta’sir qiladi. Ammo bu mavsumda har bir omadsizlikdan so‘ng tez orada o‘zimizga kelganmiz. Umid qilamanki, "Chelsi" buni yana uddalaydi a g‘alaba qozonadi", - deydi Fabregas.