Bugun Ispaniyaning Sport arbitraj sudi (TAD) «Barselona» hujumchisi Neymarning diskvalifikasiyasi bo‘yicha shoshilinch kengash o‘tkazishi lozim edi.
Ammo ishni ko‘rib chiqish uchun yetarlicha a’zo to‘planmadi. Dam olish kuni ekanligi sababli, kengash a’zolarining ko‘pchiligi bilan aloqaga chiqish imkoniyati bo‘lmadi. Natijada «Barselona»ning apellyasiyasi muhokama qilinmay qoldi.
Biroq, braziliyalik futbolchi «El Klasiko»da maydonga tushish imkoniyatiga haliyam ega. TAD apellyasiyani ertaga, kengash a’zolari o‘rtasida telefon orqali ham muhokama qilishi mumkin, deb xabar bermoqda Cadena SER.
